lazyest

Дачытаў сабж, http://34mag.net/post/tok-shou-vyrajj/
Чамусьці хуткі позірк па інтэрнетах выдае выключна негатыўныя водгукі як пра кнігу, так і пра беларускамоўнасьць аўтара. Я не мовазнаўца, не вялікі аматар літаратуры, аднак мне проста спадабалася. Дзякуй аўтару.

Шукаю што ставіць кліентам, якія зрэдку пытаюць пра "сайт-візітоўку", з мінімумам функцыяналу і максімальна простую. Неяк сам перастаў сачыць зусім, даўно не было патрэбы. Пажадана каб ставілася ці на любы хостынг.

Тут дзіва дзіўнае адбылося ў Менску, нарэшце нешта з мармытаньня горадакіроўцаў зьнянацку хоць як аднак усапраўдзілася ў рэальнасьці. Я маю на ўвазе пешаходную вуліцу карлымарлы. Учора так выйшла, што мы праведалі, як там і што.



Так выглядае яе пачатак ад скрыжаваньня з Волацкай (Валадарскага). Адразу бачна, што камусьці было "вельмі трэба (tm)" праехаць там на сваім карчы (8



Такім ёсьць канец гэтага сьвята, скрыжаваньне з Фелыцыянаўскай (Камсамольскай).

На дзіва, на вуліцы з'явіліся нейкія лаўкі. Выглядаюць нязвыкла, дый стаяць дзіўнавата, аднак факт здзіўляе. Канешне ж, тая адзіная ў раёне крама з ежай па выходных працуе да 6 вечару, што, натуральна, вельмі зручна для вячэрняга пешага выгулу па адзінай пешаходнай вуліцы. Варта адзначыць, што ў параўнаньні нават з першапачатковай задумай пешаходная частка зьменьшаная ўдвая.

Выснова з гэтага навідавоку, зладзіць пад пільным дзяржаўным кіраваньнем кавалак вольнага эўрапейскага гораду наўрад ці атрымаецца. Думка, канешне, цалкам слушная, аднак не бывае крыху цяжарных як і часткова пешаходных. Шпацыр па размаляванай дарожнай разметкай дарозе выклікае ў мазгу яркі кагнітыўны дысананс. Шанцаў на тое, што хтосьці з патэнцыйных гандляроў будзе выбіваць тысячы дазволаў на тое, каб уперці ў гэтыя пяць мэтраў нейкі намёцік з марозівам ці сувэнірамі - нуль, а без гэтага ў лепшым выпадку на абрэзку карлымарлы з'явіцца яшчэ пяць патасных піцэрыяў дый рэстарацыяў з сетак, якія наладзілі шчыльнешы кантакт з ворганамі дазволу. Моцна падазраю, што праз пару тыдняў ці месяцаў ад гэтай думкі адмовяцца на карысьць якога іншага жупелу.

Чарговая адзнака

Крыху затрымаўся, аднак выкладаю пару-тройку фотаў з сольніка Вінсэнта ў рэпабліку

From Vinsent 09.05.2012

Гук яз заўжды на Вінсэнце, быў ніякаваты, начыткі амаль ня чутна, гітарка гублялася, аднак з тых ягоных лайфаў, якія я наведаў - гэты ці ня лепшы па гуку. Можа і прыйдзе калісьці да нармалёвага гуку. Фоты пад катам

( Read more... )

Як я пісаў у ранейшым посьце, прыдбаў
сабе новы трэкер. Адразу ж адаптаваў стары скрыпцік ад gpsbabel, аднак высьвятлілася, што у дэфолце трэкер занадта часта піша каардынаты, раз на 3 сэкунды. Палез шукаць, чым гэта паправіць - і напароўся на GPS Datalogger Device Control, сафціну на жабе, якая робіць шмат чаго, акрамя таго яшчэ і зьмяняе розныя наладкі гэтых mtk-базаваных трэкераў. Карацей, калі хто чымсі падобным займаецца - адзначце для сабе.

From veloby.net 09.05.2012

Скатаў з велабаем падзівіцца на палац графоў Чапскіх у Прылуках. Сабралася вялікая кампанія, без асаблівых прыгод пракаціліся, 70+ км за дзень. Трэк http://www.everytrail.com/view_trip.php?trip_id=1568792

як звычайна, фоты пад катам

( Read more... )

У сувязі з трагічным спыненьнем працы майго GlobalSat DG100 прыдбаў няновы

Візуальна меньшы за глабалсат, здольны быць проста GPS-рэсіверам праз BlueTooth дый сілкуецца не ад АА, а ад зменнага LiIon-акума. Паглядзім, як будзе сябе паводзіць.

Ужо стала традыцыей тое, што падчас адкрыцьця веласэзону я кручу гайкі ў ровараў пад шыльдай Менскага Роварнага Таварыства (8

From Adkryccio sezonu poehali.net 06.05.2012

Адкрыцьцё сэзону 2012 улады зацягнулі ажно на сярэдзіну трааўня, днак і народу сабралося, і прайшло ўсё добра.

( Read more... )

Ад раніцы мы плянавалі заскочыць на невялічкія закупы, аднак як прачнуліся амаль а шостай раніцы, то і наткнуліся на закрытыя крамы і паехалі так. Wалеру пакінулі прасіць палітычнага прытулку (8

From Vilnia 27.04-01.05.2012 day 5

( Read more... )